जिया केसीले ‘ए.टि.एम.’ को भन्दा पनि उत्तेजक दृश्य दिएको अर्को चलचित्र निर्माण भएको खुलासा

चलचित्र ‘ए.टि.एम.’ निर्माण गरेपछि यसका निर्माता तथा कलाकार दिनेश थापा अनुहार छोपेर बजारमा हिडेका खबरहरु आईरहेका छन् । तर अब यस्तै समस्या चलचित्रका निर्देशक यादव सिलवाललाइ पनि परेको छ ।
‘ए.टि.एम.’ निर्देशन गरेपछि सर्वाधिक विवाद र आलोचनाको घेरामा परेका यादवले मिडिया र चलचित्रकर्मीलाई झुक्काएर एक सिनेमाको निर्देशन गरेका छन् । चलचित्र ‘जिगिलो’ को शुभमुहुर्तमा निर्देशकको नाम तिलक नेवा भनिएको थियो । नेवा सिक्किममा रहेकाले कार्यक्रममा उपस्थित हुन नसकेको भन्दै पत्रकारलाई निर्माणपक्षले झुटो समाचार दिएको थाहा भएको छ ।
तर चलचित्रको निर्देशन तिलक नेवाले नभई ‘ए.टि.एम.’ सिनेमा निर्देशन गरेर विवादमा आएका यादव सिलवालले गरेको अनलाईनखबर श्रोतले बताएको छ । चलचित्रको सम्पुर्ण छायांकन सकिएको छ । चलचित्रमा ‘ए.टि.एम.’ कै नायिका जिया के.सीलाई पनि निर्माणपक्षले छायांकन सुरु भएपछि सुटुक्क अनुवन्धित गरेको थियो । पुरुष वेश्याको कथामा आधारित यो सिनेमामा नायिका के.सीले ‘ए.टि.एम.’ को भन्दा वढि उत्तेज दृश्य दिएको थाहा भएको छ । अनलाईनखबरसँग कुरा गर्दै नायिका के.सीले आफुले यो सिनेमामा ‘ए.टि.एम.’ को भन्दा पनि उत्तेजक दृश्य दिएको बताएकी छिन् ।
नायिका के.सीले चलचित्रमा पुरुष वेश्याहरुलाई भाडामा लिएर आफ्नो सेक्स चाहना पुरा गर्ने महिलाको भुमिकामा अभिनय गरेकी छिन् । प्रभावकर श्रेष्ठले निर्माण गरेको चलचित्र ‘जिगिलो’ मा समावेश गरिएका उत्तेजक दृश्यले यो सिनेमा प्रदर्शन अघि विवादमा आउने छनक देखिएको छ ।
 अनलाइनखबर