प्रदर्शनमा रोक लागेको फिल्म 'एटिएम' मा खोल्न केहि बाँकी नराखेकी नायिका जीया केसीले बर्बाद फिल्ममा भने ढाकेकी छिन् । जिके शर्माको प्रस्तुतीमा निर्माण गरिएको बर्बाद फिल्मको प्रस्तुत गीतमा नायिका केसीलाई साडीको पहिरनमा देख्न सकिन्छ ।
दयाराम पाण्डेको शब्दमा दीपक शर्माले तयार पारेको संगीतमा नायिका केसीले नायक जिके शर्मासँग नाचेकी छिन् । फाल्गुनको अन्तिम साता तिर प्रदर्शनमा ल्याउने तयारी गरिएको बर्बाद फिल्मको यो प्रिमियर गीतमा अन्जु पन्त र सन्तोष रूचालको स्वर रहेको छ । पोखराका आसपासका सुन्दर स्थानलाई कैद गरिएको यो गीतका करियोग्राफर दिनेश अधिकारी हुन् भने छायाँकन यम आलेको रहेको छ ।
श्रीमानको मायाबाट बञ्चित नारीको कथालाई पर्दामा उतारिएको यो फिल्मलाई रिम बिश्वकर्माले निर्देशन गरेका हुन् । दिनेश अधिकारी, रमेश कुमार पाठक तथा निरञ्जन सञ्जेलले निर्माण गरेको फिल्मको कथा प्रस्तुतकर्ता जिके शर्माले नै लेखेका हुन् । फिल्ममा गणेश गिरी र निरू महराको समेत मुख्य भुमिका रहेको छ ।
0 comments:
Post a Comment