व्यापारिक रुपमा मन्दी आईरहेका बेला फिल्म उद्योगमा देखिएका नयाँ पुस्ताका केहि युवाहरुले बनाएको फिल्म ‘अध्याय’ लाई सेन्सर बोर्डले युनिभर्सल (यू) सर्टिफिकेट दिएको छ । सोमबार सेन्सर बोर्डले फिल्म हेरे पश्चात कुनै पनि सिनमा आपत्ति नजनाई सबै वर्गका दर्शकले हेर्न पाउने गरि 'यू' सर्टिफिकेट दिएको निर्माण युनिटले जानकारी गरायो ।
पुस २७ गतेदेखि अल नेपाल रिलिज हुने क्रममा रहेको ‘अध्याय’ फिल्म पुरै नेपाली परिवेशमा आधारित रहेर बनाईएको निर्माण पक्षले दाबी गरेको छ । उटै परिवेशमा बस्ने तीन जना फरक स्वभावका युवाहरुले गर्ने गतिविधिबाट एक अर्कालाई कसरी प्रभाव पर्छ र त्यो प्रभावले उनीहरुको लभस्टोरीमा कसरी ट्विस्ट ल्याउँछ भन्ने थिममा रहेर कथालाई प्रस्तुत गरिएको कलाकार सुशिलराज पाण्डेले बताए ।
प्रविन स्याङबोको निर्देशनमा बनेको यो फिल्ममा कर्मा, सुशिलराज पाण्डे, आकाश मगर, सिम्पल खनाल, शान्ती गिरी, आकाश मगर, स्वस्तिकराज भण्डारी मुख्य भुमिकामा देखिएका छन् । निर्माण पक्षले दिएको जानकारी अनुसार फिल्ममा करिब ७५ लाख रुपैँयाको लागत रहेको छ । फिल्मलाई उमेश श्रेष्ठ, रामहरि अधिकारी, सुरेन्द्र शाही र दिनेश श्रेष्ठले निर्माण गरेका हुन् ।
निर्देशक स्याङ्बोकै कथा लेखन रहेको यो फिल्ममा योगेन्द्र श्रेष्ठको द्धन्दनिर्देशन, राजिब मानन्धरको छायांकन, अञ्जय खड्काको भिजुअल इफेक्ट, ब्रह्मनाल र आसिम चित्रकारको संगीत रहेको छ ।
0 comments:
Post a Comment